आजची वात्रटिका
-----------------------
पुन्हा नव्याने शिवायचे असेल तर,
जे जुने आहे ते उसवावे लागते.
जसे दुधापासून तूप करायचे तर,
दुधाला प्रथम नासवावे लागते.
वरवर चुकीचे दिसले तरी,
परिणाम म्हणून योग्य मानावे लागते.
कुणाच्या दुखावल्या भावना जरी,
शब्दांना कृतीमध्ये आणावे लागते.
कुठवर तण काढीत बसायचे?
चांगल्यासाठी निर्णय घेतला पाहिजे !
जिथे कुठे खुरप्याचे काम नाही,
तिथे सरळ नांगरच घातला पाहिजे !!
-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-9151
वर्ष-26 वे
दैनिक झुंजार नेता
4जानेवारी 2026
No comments:
Post a Comment