लोकशाही वाचवा...मराठी वात्रटिका

आजची वात्रटिका

----------------------------

लोकशाही वाचवा

हा विनोद पचायला जड नाही,

हा विनोद हलका फुलका आहे.

लोकशाही वाचवा;

लोकशाही वाचवा,

असा सर्वपक्षीय गलका आहे.

खरे तर ही शोकांतिका आहे,

बघा विरोधाभास कसा आहे?

लोकशाहीच्या गळ्यात,

त्यांच्याकडूनच फासा आहे.

ज्यांच्या हाती लोकशाहीचा ससा,

आज तेच तर खरे पारधी आहेत !

जे मारतात उलट्या बोंबा,

आज तेच तर खरे गारदी आहेत !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6421

दैनिक पुण्यनगरी

26फेब्रुवारी 2022