विज्ञान - प्रदर्शन... मराठी वात्रटिका

आजची वात्रटिका

----------------------------

विज्ञान - प्रदर्शन

विज्ञानाचे प्रदर्शन होते,

पण दर्शन होताना दिसत नाही.

विज्ञान गिरवून आणि मिरवून,

वैज्ञानिक दृष्टिकोन मात्र,

फारसा येताना दिसत नाही.

बोले तैसा चाले,

हीच खरी विज्ञाननिष्ठता आहे.

तोच करू शकतो चिकित्सा,

जिथे वैचारिक स्पष्टता आहे.

विज्ञान सर्वव्यापी आहे,

विज्ञान म्हणजे सृष्टी आहे!

त्याची नजरबंदी शक्य नाही,

ज्याच्याकडे वैज्ञानिक दृष्टी आहे!!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6423

दैनिक पुण्यनगरी

28फेब्रुवारी 2022