संसारिक युद्ध... मराठी वात्रटिका

आजची वात्रटिका

------------------------

संसारिक युद्ध

भांडून भांडून एकदाचे,

जगणे हराम करतात.

तेव्हा कुठे नवरा बायको,

आपला युद्धविराम करतात.

मित्रपक्ष होतो शत्रुपक्ष,

शत्रुपक्ष मित्रपक्ष होतो.

तेव्हा कुठे युद्धाचा,

तात्पुरता सोक्षमोक्ष होतो.

अधून-मधून चकमकी,

शीतयुद्धाचे मोह होतात !

पुन्हा नव्या युद्धापूर्वी,

तेवढ्यापुरते तह होतात !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6428

दैनिक पुण्यनगरी

6मार्च 2022