काळी दुनिया... मराठी वात्रटिका

आजची वात्रटिका

---------------------

काळी दुनिया

जिथे जिथे शिते आहेत,

तिथे तिथे भूतं नाचू लागली.

वेताळाची आरती,

सगळ्यांनाच रूचू लागली.

आपल्या आरत्या ऐकून

हल्ली वेताळ खुश होतो.

लाचार हडळी पाहून

हल्ली वेताळास जोश येतो.

लाचाच हडळी अन,

भुतं दिमतीला आहेत !

काळ्या दुनियेतील आत्मे,

सैतानाच्या गमतीला आहेत !

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-7915

दैनिक झुंजार नेता

29एप्रिल2022