आजची वात्रटिका
---------------------
सेव्ह अर्थ
पुस्तकी पर्यावरण रक्षणाचे,
आपले केवळ पारायण आहे.
हाफ सेंच्यूरी मारायच्या तयारीत,
आपला सूर्यनारायण आहे.
झाडे लावा, झाडे जगवा,
अप्रामाणिक ओरड आहे.
खोल खोल गेले पाणी,
बोअरच्या घशाला कोरड आहे.
पाणी आडवा,पाणी जिरवा,
आपल्याला कुठे पुरती जाग आहे?
स्वतःला वाचवायचे असेल तर,
पृथ्वी वाचविणे भाग आहे !!
-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6463
दैनिक पुण्यनगरी
30एप्रिल2022
No comments:
Post a Comment