पक्षीय गुणधर्म... मराठी वात्रटिका

आजची वात्रटिका

---------------------

पक्षीय गुणधर्म

कधी पक्ष फुटला जातो,

कधी पक्ष तुटला जातो.

कधी होते वाटाघाटी,

कधी पक्ष वाटला जातो.

कधी पक्ष विलीन होतो,

कधी पक्ष मलीन होतो.

जाहीर रंडीबाजी करूनही,

कधी पक्ष कुलीन होतो.

कधी पक्ष सुस्त होतो,

कधी पक्ष मस्त होते.

खानदानी दुश्मनाचा,

कधी पक्ष दोस्त होतो.

पक्ष म्हणजे पक्ष असतो,

सत्ता हाच मोक्ष असतो!

सत्तेची भूक वाढली की,

पक्षच पक्षाचा भक्ष्य असतो !!

-सूर्यकांत डॊळसे,पाटोदा(बीड)

मोबाईल-9923847269,

-----------------------

चिमटा-6529

दैनिक पुण्यनगरी

13जुलै 2022