द्रौपदी विजय... मराठी वात्रटिका

आजची वात्रटिका

---------------------

द्रौपदी विजय

भारताच्या राष्ट्रपतीपदी,

द्रौपदी मुर्मू बसल्या.

आदिवासी भारतातील,

दऱ्या - खोऱ्या हसल्या.

तारपा, ढोलआणि ताशे,

आनंदाने कडाडू लागले.

अच्छे दिन आले रे आले....

आदिम सुर धडाडू लागले.

जिथे सूर्य पोहचलाच नाही,

तिथे नवा सूर्योदय होवो !

इंडिया पुढे पुढे जाताना,

भारताचाही अंत्योदय होवो!!

-सूर्यकांत डॊळसे,पाटोदा(बीड)

मोबाईल-9923847269,

-----------------------

चिमटा-6537

दैनिक पुण्यनगरी

22जुलै 2022