होरपळ .. मराठी वात्रटिका

आजची वात्रटिका

----------------------------

होरपळ

वैयक्तिक आयुष्यावरती,

राजकारणात हल्ले आहेत.

उंटांवरच्या शहाण्यांचे,

जरा अगाऊच सल्ले आहेत.

ओल्या जखमांवरती,

पुन्हा पुन्हा मीठ चोळले जाते.

वैयक्तिक आयुष्य मग,

राजकारणात होरपळले जाते.

राजकारणातून वैयक्तिक आयुष्य,

जरी वगळणे मुळीच शक्य नाही !

तरी आवरू शकता;सावरू शकता,

हे काही टाळीचे वाक्य नाही !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6632

दैनिक पुण्यनगरी

14नोव्हेंबर2022