चिन्हांकित निवडणूक.... मराठी वात्रटिका

आजची वात्रटिका

--------------------

चिन्हांकित निवडणूक

झाकली मूठ सव्वा लाखाची,

यातच आपले हित आहे.

म्हणूनच आपली निवडणूक,

शब्दशः चिन्हांकित आहे.

चिन्हांचा श्लेष काढून, काढून,

निवडणुका लढवल्या जातात.

चिन्हांकित तत्त्वज्ञान मांडून,

सोयीच्या गोष्टी पढवल्या जातात.

निरक्षरांच्या नावाखाली,

साक्षर मतदारांचीही सोय आहे !

चिन्हांभोवती फिरते लोकशाही,

आयोगालाही चिन्ह देय आहे !!

-सूर्यकांत डॊळसे,पाटोदा(बीड)

मोबाईल-9923847269,

-----------------------

चिमटा-6642

दैनिक पुण्यनगरी

23नोव्हेंबर2022