कळपाचा विजय असो !...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

----------------------------

कळपाचा विजय असो !

एकदा मेंदू गहाण ठेवला गेला की,

मग विचार करायचेच राहिले जाते.

विषय कोणताही असला तरी,

जाती धर्माच्या नजरेतून पाहिले जाते.

एकदा जाती-धर्माचा चष्मा लागला की,

त्याच्या पलीकडचे काही दिसत नाही.

एकदा मेंढराची भूमिका घेतली की,

तिथे स्वतंत्र विचार काही असत नाही.

जो आपला कळप निर्णय घेईल,

त्यालाच निमुटपणे होय म्हणावे लागते !

कळप ज्याचा जयजयकार म्हणील,

त्याचेच निमुटपणे जय म्हणावे लागते !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-9207

वर्ष-26 वे

दैनिक झुंजार नेता

5मार्च 2026