आरोपांची जुगलबंदी....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

----------------------------

आरोपांची जुगलबंदी

आरोपावर आरोपांच्या,

फैरी सतत झाडल्या जातात.

आरोपांना आरोपांच्या,

साखळ्या सतत जोडल्या जातात.

आरोपाला प्रत्यारोपांची,

फुल ना फुलाची पाकळी असते.

कडीवर कडी ठरावी,

अशीच आरोपांची साखळी असते.

आरोपांची जुगलबंदी रंगताना,

सगळेच असे काही सुटू लागतात !

अत्यंत गंभीर आरोप सुद्धा,

चक्क हास्यास्पद वाटू लागतात !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-9212

वर्ष-26 वे

दैनिक झुंजार नेता

10 मार्च 2026