राजकारण रंगले युद्धात....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

----------------------------

राजकारण रंगले युद्धात

विरोधकांचा सत्ताधाऱ्यांवर,

आरोपांचा मोर्चावर मोर्चा आहे.

हल्ल्यावर हल्ले करताना,

फक्त युद्धाचीच चर्चा आहे.

राजकारण रंगले युद्धात,

अशीच काहीशी तऱ्हा आहे.

राष्ट्रीय मुद्द्यांचे काय?

सवाल न विचारलेलाच बरा आहे.

राष्ट्रीय राजकारणावरती,

आंतरराष्ट्रीय राजकारणाची छाप आहे !

युद्ध कुठलेही आणि कुणाचेही असो,

युद्ध जगासाठी फक्त शाप आहे !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-9215

वर्ष-26 वे

दैनिक झुंजार नेता

13 मार्च 2026