उघडा डोळे,बघा नीट.......प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

----------------------------

उघडा डोळे,बघा नीट

गल्लीत आहेत;दिल्लीत आहेत,

गावोगावी आणि शहरा शहरात आहेत.

आता तरी उघडा डोळे बघा नीट,

जिकडे तिकडे कॅप्टन खरात आहेत.

भांडेफोड झाली; जन्मठेप झाली,

तरीही श्रद्धा अंधभक्तांच्या उरात आहेत.

असे कितीतरी लिंगपिसाट बाबा,

अजूनही अंधभक्तांच्या देवघरात आहेत.

बुवा तिथे बाया; बाया तिथे बुवा,

सगळे उघडे तमाशे ऐन भरात आहेत!

कसलाही पक्षीय भेदभाव न करता,

राजकारणी त्यांच्या दारा दारात आहेत !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-9223

वर्ष-26 वे

दैनिक झुंजार नेता

21 मार्च 2026