एकला चलो रे ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

एकला चलो रे ...

आणा झाल्या,भाका झाल्या,
एक दुसरे को संभालकर लेलो रे.
तोपर्यंत वरून आवाज आला,
एकला चलो रे, एकला चलो रे.

एकला चलो रे, एकला चलो रे,
हा म्हणे कार्यकर्त्यांचा आवाज आहे.
हम सब एक है बोलण्याचा,
राजकीय आघाड्यांचा रिवाज आहे.

बचेंगे तो और भी लढेंगे....ला,
एकला चलोरे...ची जोड आहे !
स्वबळाच्या राजकीय खुमखुमीला,
एकला चलो रे.... ची खोड आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-9095
वर्ष-25 वे
दैनिक झुंजार नेता
16 नोव्हेंबर2025