नाराजी नाट्य....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

नाराजी नाट्य

कुणाचे स्वप्न भंगवले जाते.
कुणाचे स्वप्न भंगले जाते,
निष्ठेचा तमाशा झाला की,
नाराजी नाट्य रंगले जाते.

ज्यांना ज्यांना संधी भेटते
त्यांची मात्र चांदी असते.
सर्वांच्या नाराजी नाट्याची,
वेगवेगळी नांदी असते.

सर्वांच्या कथा सारख्याच,
तरी वेगळे रंग देऊ लागतात !
सगळे यशस्वी कलाकार,
वेगळ्या भैरव्या गाऊ लागतात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-9109
वर्ष-25 वे
दैनिक झुंजार नेता
30 नोव्हेंबर2025