खड्ड्यांचे खोदकाम ...साप्ताहिक वात्रटिका

साप्ताहिक

वात्रटिका

--------------------------------

खड्ड्यांचे खोदकाम

कुणी डोक्यावर चढू लागले की,

त्याला पायाखाली घेतले जाते.

विरोधकांना हाताशी धरून,

विरोधाला खतपाणी घातले जाते.

संधीची वाट बघून बघून,

आपला डाव बरोबर साधला जातो.

स्वतःची पर्वा न करता,

दुसऱ्यासाठी खड्डा खोदला जातो.

दुसऱ्यासाठीच्या खड्ड्यांचे खोदकाम,

अगदी सगळीकडेच जोरात आहे !

त्यांनी काळजी घ्यायला हरकत नाही,

ज्यांची कारकीर्द ऐन भरात आहे !!

-सूर्यकांत डॊळसे,पाटोदा(बीड)

मोबाईल-9923847269

-----------------------------

साप्ताहिक सरकारनामा

वात्रटिका - 60

वर्ष- दुसरे

15नोव्हेंबर 2025